Programm Elettorali
Skopri l-kapitli kollha
Għawdex
Tnaqqis fit-taxxi
Saħħa u Sport
Ekonomija
Żgħażagħ
Mobbiltà, Infrastruttura u Ppjanar
Edukazzjoni u Ħiliet
Is-Settur Privat
Turiżmu
Kultura u Arti
Enerġija u Ilma
Politika Soċjali
Governanza
Malta fid-Dinja
Ambjent
Agrikoltura u Sajd
Flimkien għall-bidla. Għal Għawdex
Aċċettajt l-istedina tal-PN biex inkun kandidat ġdid fuq Għawdex. L-imħabba tiegħi lejn Għawdex wasslitni biex nagħmel il-pass li jmiss fil-politika. Aċċettajt l-istedina tal-Partit Nazzjonalista biex inkun kandidat ġdid fuq Għawdex.
Mill-Għeruq sal-Viżjoni
Iben il-belt Victoria, żagħżugħ b'għeruq sodi fil-Partit Nazzjonalista u b'esperjenza politika li ratu jokkupa diversi karigi kemm f'Malta kif ukoll fuq livell Ewropew, fejn kien l-ewwel Malti li serva bħala President tal-European Democrat Students.
Għal dawn l-aħħar snin, Beppe serva bħala Segretarju Internazzjonali tal-Partit Nazzjonalista, fejn, apparti l-parteċipazzjoni f'numru ta' taħditiet bilaterali u l-appoġġ mogħti lill-Kap Alex Borg fuq livell internazzjonali, Beppe kien strumentali biex pajjiżna jospita l-Kungress tal-Partit Popolari Ewropew b'suċċess.
Gradwat b'Masters fl-iStrategic Management u Digital Marketing mill-Università ta' Malta. Huwa Għawdxi li jaħdem ma' numru ta' negozji Għawdxin bħala espert fuq pjattaformi diġitali u mezzi soċjali. Huwa attiv ferm fejn jidħlu s-setturi tal-volontarjat speċjalment fl-oqsma tal-kultura, iż-żgħażagħ u l-edukazzjoni.
Għaliex Għawdex Prijorità għalih, din se tkun l-ewwel elezzjoni ġenerali tiegħu, bl-aspirazzjoni li jkun vuċi b'saħħitha f'isem ir-residenti tat-13-il distrett u li tkun qrib tagħhom.
Viżjoni
Beppe Galea għandu viżjoni ċara għal Għawdex: gżira b’saħħitha, moderna, dejjem fidila lejn il-valuri u l-identità tagħha, b’komunitajiet siguri, u opportunitajiet għal kulħadd. Il-viżjoni tiegħu hija msejsa fuq ir-responsabbiltà u l-impenn biex titħares l-identità Għawdxija filwaqt li jinbena futur aktar b’saħħtu u b’opportunitajiet ġodda.
Valuri
Mal-Partit Nazzjonalista, taħt it-tmexxija t’Alex Borg, Beppe Galea jħaddan valuri ta’ onestà, tkabbir ekonomiku sostenibbli li jgawdu minnu l-familji Għawdxin, u investiment serju fl-iżvilupp kulturali, soċjali, u infrastrutturali ta’ Għawdex. Il-missjoni tiegħu hija ċara: li jagħti lura lil Għawdex il-post ċentrali li jistħoqqlu mal-prijoritajiet nazzjonali.
Żvilupp
Flimkien ma’ Alex Borg, il-kampanja ta’ Beppe Galea hija waħda ta’ tiġdid, u li tqiegħed lill-Għawdxin lura fil-qalba tad-deċiżjonijiet. Huwa jemmen li Għawdex jistħoqqlu tmexxija li tħares il-valuri tiegħu, issaħħaħ il-futur tiegħu, u tiżgura gżira bi prosperità, sigurtà, u viżjoni.
Appoġġa lil Beppe Galea
Tista’ tappoġġa l-ħidma tagħna b’donazzjoni ta’ kwalunkwe ammont. Kull kontribuzzjoni tgħinna norganizzaw attivitajiet, insaħħu l-messaġġ tagħna, u nġibu bidla pożittiva ‘l quddiem.
Lil Beppe sibtu ta' spalla, dejjem pront u preparat. Saħħaħ sew lill-Partit Nazzjonalista ma' pajjiżi barranin. Naħdmu qrib xulxin mid-Dar Ċentrali, f'Għawdex u barra minn xtutna.
Alex Borg
Kap tal-Partit Nazzjonalista
Beppe jirrappreżenta l-ispirtu ġdid żagħżugħ tal-Partit Nazzjonalista. Il-ħidma tiegħu f'Għawdex hi garanzija għal ħidma akbar l-futur.
Tonio Borg
Eks Kummissjarju Ewropew u Eks Deputat Prim Ministru
Beppe sibtu kemm ta' spalla kif ukoll ta' serħan il-moħħ li biċċa xogħol dejjem se jagħmilha sew. Għinuh għax il-Partit għandu bżonnu. Ċert li l-fiduċja li se tagħtu lil Beppe Galea isarrafha fħidma.
Charles Bonello
Segreterju Ġenerali tal-Partit Nazzjonalista
Minkejja li huwa żagħżugħ u kandidat ġdid, permezz tal-esperjenza vasta li għandu f'numru ta' għaqdiet volontarji, fl-eżekuttiv tal-Partit Nazzjonalista, kif ukoll bħala uffiċjal, dan kollu jagħmel lil Beppe Galea kandidat denju. Bilanċ ideali ta' ideat ġodda, enerġija u esperjenza. Beppe Galea huwa eżempju ċar ta' bidla li tista' tafda.
Paul Parnis
Infermier fl-Isptar Ġenerali ta' Għawdex
Beppe dejjem kien leali, f'kull kariga u rwol li ġie mitlub iservi. Kull meta l-Partit Nazzjonalista sejjaħlu, dejjem wieġeb fl-affermattiv. Biss issa jemmen li kapaċi jagħmel il-pass li jmiss sabiex jikkontribwixxi fuq livell nazzjonali. Żgur mhux forsi li Beppe Galea jaf eżatt x'inhuma l-prijoritajiet tiegħu, u jiena nafda fih.
Kevin Curmi
Viċi Sindku – Nadur
Ilni naf lil Beppe Galea għal bosta snin, iżda f'dawn l-aħħar snin, minn meta sirt iktar attiv fil-politika, kelli l-opportunità naħdem miegħu ħafna aktar fil-qrib. Kien hawn li apprezzajt aktar kemm Beppe huwa persuna ta' integrità kbira, serjetà, u impenn ġenwin lejn Għawdex u l-Għawdxin. Beppe huwa fost dawk il-ftit verament denji li jistgħu jirrappreżentaw lil Għawdex fil-Parlament ta' Malta b'dinjità, b'responsabbiltà, u b'viżjoni ċara għall-futur tal-gżira tagħna.
George P. Cassar
Viċi Sindku – Belt Victoria
Ħarsa lejn mumenti minn diversi attivitajiet
Mumenti li juru l-impenn u l-ħidma kontinwa.
